Экспортка ярдәм итү үзәге Татарстан эшкуарлары өчен африка базары мөмкинлекләре турында сөйләячәк

Татарстан Республикасы Икътисад министрлыгы карамагындагы Эшкуарлыкка ярдәм итү фондының Экспортка ярдәм итү үзәге Марокко Корольлегендә һәм Көньяк Африка Республикасындагы Россия Федерациясенең Сәүдә вәкилләре катнашында «Африка: экспорт мөмкинлекләре» вебинары үткәрәчәк.

27 сентябрьдә 10:00 сәгатьтә эш башлап җибәрүче һәм эшләп килүче экспортерлар өчен Африка илләренә экспортка чыгу мөмкинлекләренә һәм үзенчәлекләренә багышланган вебинар узачак.

Вебинар спикерлары буларак түбәндәгеләр чыгыш ясаячаклар: 

• Марокко Корольлегендә Россия Федерациясенең Сәүдә вәкиле – Цинамдзгвришвили Артем;
• Көньяк Африка Республикасында Россия Федерациясенең Сәүдә вәкиле – Буреев Максим;
• Татарстан Республикасының Франция Республикасындагы Тулы вәкаләтле вәкиле – Йосыпов Искәндәр.

Онлайн очрашу модераторы – Николаев Артур – рәиснең беренче урынбасары – Татарстан Республикасы Сәүдә-сәнәгать палатасының Эшкуарлыкны үстерү һәм аңа ярдәм итү департаменты директоры.

Катнашу бушлай, вебинарга теркәлү РФ.КУЭның Цифрлы платформасында ачык. Теркәлү белән бәйле сораулар булганда, Айсылу Шакировага +7 (843) 222-90-60 (өстәмә 272 яки 279) яки +7 (987) 270-06-91телефоннарына шалтыратып мөрәҗәгать итәргә мөмкин.

Экспортерлар өчен башка чаралар һәм ярдәм чаралары турында консультацияне ТР Эшкуарлыкка ярдәм фондының «Минем бизнес» үзәге телефонына 8 (843) 524-90-90 шалтыратып алырга мөмкин.