Татарстан эшкуарлары Төркиягә ничек экспортларга кирәклеген беләчәкләр

24 августта Эшкуар йортында түгәрәк өстәл узачак, анда экспертлар һәм кече һәм урта бизнес вәкилләре төрек базарын – аның үзенчәлекләре һәм структурасын тикшерәчәк, шулай ук өлкә проблемалары һәм Төркиягә товар чыгаруның яңа мөмкинлекләре турында фикер алышачак.

Чарада катнашу өчен экспорт эшчәнлеге белән шөгыльләнүче яки аны башларга җыенучы төбәк эшкуарлары чакырыла. Очрашу программасында «Төркия базары: тәҗрибә һәм яңа мөмкинлекләр» темасына спикерлар чыгышы.

Төркия белән хезмәттәшлек кейслары турында «ЭДЖЭ Групп» ҖЧҖ компаниясенә нигез салучы Джейхун Исаев, шулай ук «МЕДЕЛ» күппрофильле клиникасы» ҖЧҖ директоры Ленар Сәлахетдинов чыгыш ясаячак.

Түгәрәк өстәлдә катнашучылар алдында шулай ук Төркия вәкиле «KOSGEB» халыкара элемтәләр буенча менеджер Мурат Шюкрю Сойкан ««KOSGEB» эшчәнлеге һәм Төркиядә һәм чит илләрдә бизнесны киңәйтү өчен кече һәм урта эшкуарлыкка ярдәм итү» темасына чыгыш ясаячак.

Түгәрәк өстәл кунаклары экспертлар белән бергә тәҗрибә уртаклашачак, проблемалар, актуаль мәсьәләләр буенча фикер алышачак һәм экспорт эшчәнлеге линиясен алга таба эшләү һәм үстерү өчен соратулар исемлеген формалаштырачаклар.

Очрашу модераторы: Галина Шәрәфетдинова– Казан һәм Татарстан Республикасы рестораторлары һәм отельерлары ассоциациясе генераль директоры, бизнес-тренер, Кулинария һәм сервис буенча халыкара мәктәп җитәкчесе.

Урыннар саны чикләнгән. Сылтама буенча теркәлү: https://fabrika-predprinimat.timepad.ru/event/2143227/

Чара Татарстан Республикасы Икътисад министрлыгы һәм «Татарстан Республикасы Эшкуарлыкка ярдәм итү фонды» КБК НО экспортка ярдәм итү үзәге ярдәме белән гамәлгә ашырыла.