Кече инновацион предприятиеләр грант ярдәме алырга мөмкин
Инновацияләргә ярдәм фонды үткәрә торган «Старт-1» конкурсына гаризалар кабул итү дәвам итә. Кече инновацион предприятиеләр 4 млн сумга кадәр грант ярдәме ала алалар.
Татарстан Республикасы Икътисад министрлыгы мәгълүматларына караганда, «Старт» программасы үсешнең башлангыч стадиясендә булган һәм коммерцияләштерүнең зур потенциалына ия булган үз фәнни-техник һәм технологик тикшеренүләр нәтиҗәләрен кулланып яңа продукция, технологияләр һәм хезмәт күрсәтүне эшләргә һәм үзләштерергә омтылучы кече инновацияле предприятиеләргә ярдәм итүгә юнәлдерелгән.
Бәйге кысаларында түбәндәге тематик юнәлешләр буенча проектлар сайлап алына:
- Цифрлы технологияләр;
- Медицина һәм сәламәтлек саклау технологияләре;
- Яңа материаллар һәм химия технологияләре;
- Яңа приборлар һәм интеллектуаль җитештерү технологияләре;
- Биотехнологияләр;
- Ресурсларны саклау энергетикасы.
Бәйгедә физик затлар һәм юридик затлар – кече эшкуарлык субъектлары катнаша ала. Гаризаны Инновацияләргә ярдәм итү фонды сайтында https://fasie.ru/press/fund/start-1-2022-june/ 2022 елның 5 сентябренә кадәр бирергә мөмкин
Программа ике этапта тормышка ашырыла. Программаның беренче этабын гамәлгә ашыру барышында (Старт-1 конкурсы) гамәли фәнни тикшеренүләр һәм эксперименталь эшләнмәләр үткәрелә, алар Фәнни-тикшеренү һәм тәҗрибә-конструкторлык эшләренә салынган фәнни-техник алымнарның һәм тулаем проектны тормышка ашыруның фәнни-техник куркынычларын бетерү өчен чишелешләрнең тормышка ашуын тикшерергә, шулай ук проектны гамәлгә ашыруның алдагы стадияләрендә базарда кирәкле продукт булдыру мөмкинлеген бәяләргә мөмкинлек бирәчәк. Фәнни-тикшеренү һәм тәҗрибә-конструкторлык эшләре нәтиҗәләре проектны финанслау өчен инвестор җәлеп итү өчен шартлар тудырырга тиеш.
Конкурслар турында тулырак мәгълүматны Татарстан Республикасы Икътисад министрлыгы хезмәткәрләреннән (843) 524-91-36 телефонына шалтыратып алырга мөмкин.