Мидхәт Шаһиәхмәтов эш визиты белән Кайбыч һәм Буа районнарында булды
Сәфәр барышында Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов Кайбыч балык хуҗалыгында, «Мост-Бетон» ҖЧҖ ендә, «Кайбыч агропаркы» сәнәгать паркында, «Август» ҖЧҖдә, шулай ук Буа спирт заводында, «Буа» сәнәгать паркында һәм «АкваАвгустэ» балык үрчетү фирмасында булды.
Килүгә Мидхәт Шаһиәхмәтов Кайбыч балык хуҗалыгында булды, предприятие елга балыгы үрчетү һәм сату белән шөгыльләнә. Предприятие җитәкчелеге белән бизнесның киләчәк үсеше турында фикер алыштылар. Шуннан соң министр «Мост-Бетон» ҖЧҖ дә булды, предприятие Куланга тимер юл станциясеннән ерак түгел бетон эшләнмәләр җитештерә, тимер-бетон эшләнмәләр җитештерү буенча цех төзүне тәмамлый. Инвестицияләрнең гомуми күләме 100 млн сум тәшкил итә, 7 яңа эш урыны булдырылган. Бетон җитештерү күләме 27,5 мең тонна тәшкил итә.
Танышу объектларының тагын берсе – «Кайбыч агропаркы» сәнәгать паркы. Визит кысаларында министр сәнәгать резидентларының, шул исәптән «СЛ Молоко» ҖЧҖ нең җитештерү мәйданчыкларын карады, анда предприятиенең үсеш нокталары турында фикер алыштылар.
Аннары министр бөртекле, бөртекле-кузаклы культуралар һәм майлы культуралар орлыкларын үстерү белән шөгыльләнә торган «Август» ҖЧҖ авыл хуҗалыгы предприятиесендә булды. Фирма авыл хуҗалыгына инвестицияләүне дәвам итә – барлыгы 2,6 млрд сумлык 3400 баш савым сыерга исәпләнгән сөт комплексы, ашлык киптерү комплекслары, машина-трактор паркы төзи.
Шулай ук Мидхәт Шаһиәхмәтов Буа спирт заводы «Русский Стандарт аракы» ҖЧҖ дә булды, предприятие алкогольле эчемлекләр җитештерү белән шөгыльләнә.
Инженерлык инфраструктурасы төзелеше Татарстан Республикасы бюджеты акчалары хисабына алып барылган Буа сәнәгать паркы белән таныштылар. Министр инвестиция проектларын гамәлгә ашыруның барышы белән танышты. «Фиш» ҖЧҖ һәм Хәйруллин И.И. ШЭ балык продукциясен җитештерү һәм эшкәртү өчен корпуслар төзүгә акчалар керткән инде. Шәхси эшмәкәр Айзатуллина Ч.М. бетон җитештерү белән шөгыльләнә. 2021 елда 19 млн сумлык товар бетон җитештерелде. Тагын бер резидент катнаш азык җитештерү цехын проектлау стадиясендә тора.
Шулай ук Мидхәт Шаһиәхмәтов сөләйман балыгы токымы балыкларын инкубацияләү һәм үстерү буенча җитештерү цехын карады. Хәзерге вакытта «АкваАвгустэ» фирмасы бизнесын киңәйтә – балыклар өчен азык җитештерү буенча завод төзи.
Визит барышында министр икътисадның тотрыклы үсешен тәэмин итү буенча чараларны гамәлгә ашыру белән танышты, предприятие җитәкчеләре һәм эшкуарлар белән моңарчы күрелмәгән санкцияләр кертү белән барлыкка килгән проблемалы мәсьәләләр турында сөйләште.
Бизнесменнарга федераль һәм республика дәрәҗәсендә гамәлгә ашырыла торган дәүләт ярдәме чаралары буенча киңәшләр бирелде. Икътисад министрлыгы башлыгы резидентларга салым преференцияләренә исәп тотарга мөмкин булган сәнәгать паркларын үстерү концепциясе турында сөйләде.