Мидхәт Шаһиәхмәтов оешмаларның ярдәм программаларында катнашуының мөһимлеген билгеләде
Бүген Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов муниципаль районнар һәм шәһәр округлары вәкилләре катнашында Татарстан икътисадының тотрыклы үсешен тәэмин итү буенча эшче төркемнең чираттагы утырышын уздырды. Икътисад министры оешмаларның федераль һәм республика программаларында катнашуының, шулай ук Республика маркетинг үзәге эшенең мөһимлеген тагын бер кат билгеләп үтте.
Эшче төркем утырышы кысаларында икътисадның тотрыклы үсешен тәэмин итүнең 5 төп юнәлеше буенча эш дәвам итте:
- халыкны социаль әһәмиятле товарлар белән тәэмин итү;
- халыкны эш белән тәэмин итүне саклау;
- система барлыкка китерә торган оешмаларның өзлексез эшләве;
- инвестиция проектларын тормышка ашыру;
- кече һәм урта эшкуарлык субъектларының яңа шартларга җайлашуы.
Эшче төркем утырышында икътисад министры урынбасарлары яңа федераль чаралар һәм Республика бизнесының кече һәм урта эшкуарлыкка ярдәм итү буенча гамәлдәге программаларда катнашуы, шулай ук инвестиция проектлары белән эшләү турында сөйләделәр.
Муниципалитет оешмаларының Республика маркетинг үзәге базасында оештырылган «Импортны алмаштыру үзәгендә» эше утырышның мөһим мәсьәләсе булды. Мидхәт Шаһиәхмәтов санкция басымы шартларында чит ил товарларын илебез аналоглары белән оператив рәвештә алыштыру өстенлек итә, бу максатлар өчен оешмаларга төзелгән ресурста актив эш алып барырга кирәк, дип билгеләп үтте.
Шулай ук министр бизнесның гамәлдәге федераль һәм республика ярдәм чараларында катнашуының, программалар турында мәгълүматны потенциаль ярдәм алучыларга җиткерүнең һәм оешмалардан тәкъдим ителгән чараларның нәтиҗәлелеге һәм җитәрлек дәрәҗәдә булуы турында фикерләрен җыюның мөһимлеген билгеләп үтте.
Икътисад министры билгеләп үткәнчә, киләсе атнадан эшче төркем утырышлары республиканың муниципаль берәмлекләрендә бүлү үзәкләрендә һәм сәүдә нокталарында, мәшгульлек үзәкләрендә булып, уртак карарлар эшләү өчен бизнес вәкилләре, районнар активы белән очрашулар оештырып узачак.
Шулай ук эшче төркем утырышы кысаларында икътисадның тотрыклы үсешен тәэмин итүнең 5 төп юнәлеше буенча Азнакай, Аксубай, Алабуга, Кама Тамагы һәм Ютазы районнары докладлары тыңланды.