Татарстан Республикасы Икътисад министрлыгы эшкуарларны электрон сәүдә турында түгәрәк өстәлдә катнашырга чакыра

Татарстан Республикасы Икътисад министрлыгына караган Татарстан Республикасы Эшкуарлыкка ярдәм итү фондының Экспортка ярдәм итү үзәге эшкуарларны «E-commerce 2.0. Күпләп сату электрон сәүдә мәйданчыкларында сатулар» темасына практик түгәрәк өстәлдә катнашырга чакыра.

Төп спикер буларак Россия экспорт үзәгенең Экспорт мәктәбе тренеры, «Ленинград өлкәсе Сәүдә-сәнәгать палатасы» берлегенең тышкы икътисади элемтәләр һәм региональ хезмәттәшлек департаменты директоры Лилия Аракелова чыгыш ясаячак.

Түгәрәк өстәлдә катнашучылар түбәндәге мәсьәләләрне караячак:

• интернет-сатуларның иң рентабельле моделен сайлау;

• электрон сәүдә өчен гамәлдәге мәйданчыкларга анализ (маркетплейс яки үз интернет-кибете), аларның һәрберсенең өстенлекләре һәм үзенчәлекләре;

* төрле илләрдә интернет-сәүдә күләменә йогынты ясый торган икътисади факторлар;

* экспортлана торган продукцияне реклама аша таныту, интернет-аудиториянең уңай мөнәсәбәтен арттыру һәм аңа ярдәм итү стратегиясен эшләү;

* интернет-экспортның табышлылыгын арттыру һәм тышкы сәүдә эшчәнлеген дәүләти җайга салу органнары белән эшләү өчен кулланыла торган инструментлар.

Түгәрәк өстәл 2022 елның 11 февралендә, 10.00 сәгатьтә Петербург ур., 28 йорт, 3 кат адресы буенча узачак.

Чарада катнашу һәм теркәлү мәсьәләләре буенча Милютина Ирина Анатольевнага – +79179324851, Салихова Елена Сергеевнага 8(843) 222-90-60, доб.278 телефоны аша мөрәҗәгать итәргә мөмкин.