Стратегик үсеш бүлеге
Бүлекнең төп функциясе булып социаль-икътисадый программалаштыру тора (01.01).
Бүлекнең вәкаләтләре:
- Татарстан Республикасының социаль-икътисадый үсеш стратегияләрен, Татарстан Республикасының социаль-икътисадый үсеш программаларын эшли һәм алардагы чаралар үтәлешен мониторинглый, шулай ук әлеге документларны актуальләштерү буенча тәкъдимнәр әзерли;
- Татарстан Республикасының икътисадый үсеше белән идарә итү буенча дәүләт сәясәтен эшләү буенча Татарстан Республикасы башкарма хакимияте органнары эшчәнлеген координацияләүдә катнаша;
- Татарстан Республикасы Президентының Татарстан Республикасы Дәүләт Советына Юлламасының (Юллама) структурасын һәм концепциясен эшли;
- Юллама проектына кертү өчен министрлыклар һәм ведомстволар тарафыннан материаллар әзерләү эшен җайга сала;
- Юллама проектына кертү өчен бүлекнең аналитик материалларын әзерли.
- бүлек эшчәнлеге юнәлешләре буенча министрлык коллегияләре һәм киңәшмәләре өчен материаллар әзерләүдә катнаша;
- Татарстан Республикасының социаль-икътисадый үсеше турында комплекслы мәгълүмат-аналитик материаллар әзерли;
- Татарстан Республикасының социаль-икътисадый үсеш сценарийларын төзүдә катнаша;
- Татарстан Республикасы үсешенең үзара бәйле күрсәткечләр системасын эшләүдә катнаша;
- Татарстан Республикасы Хөкүмәте заказлары буенча икътисадый тикшеренүләрне координацияләүдә катнаша;
- бүлек компетенциясенә керә торган мәсьәләләр буенча закон чыгару һәм башка норматив хокукый актлар проектларын эшләүдә катнаша.
