Инновацион эшчәнлек бүлеге

Бүлек дәүләт идарәсенең түбәндәге функцияләрен гамәлгә ашыруда катнаша:
социаль-икътисадый программалаштыру (01.01);

озак сроклы этапта социаль-икътисадый программалаштыру (01.01.1);
планлаштырыла торган елга социаль-икътисадый программалаштыру (01.01.2);

инновация эшчәнлеген үстерү белән идарә итү (01.11), түбәндәге өлештә:

- Татарстан Республикасының бердәм дәүләт инновация сәясәтенең норматив-хокукый, мәгълүмати-методик һәм оештыру-административ нигезләрен эшләү һәм гамәлгә ашыру;

- Татарстан Республикасының инновацион инфраструктурасын үстерүгә идарә итү;

- Татарстан Республикасында инновация проектлары белән идарә итү ысулларын һәм механизмнарын эшләү һәм камилләштерү, шулай ук Татарстан Республикасы икътисадының реаль секторына алдынгы технологияләрне трансфертлау өчен шартлар тудыру;

- Татарстан Республикасында фәнни һәм инновация эшчәнлеген үстерү стратегиясен эшләү;

- Татарстан Республикасы инновация үсешенең кыска сроклы һәм урта сроклы программаларын эшләү;

- инновацияләрне урта һәм озак сроклы перспективаларга бүлү буенча Татарстан Республикасының социаль-икътисадый үсеш фаразлары параметрларын эшләү.

Бүлекнең бурычлары:
- инновацион процессларның характерлы үзенчәлекләрен, тенденцияләрен һәм перспективаларын анализлау һәм Татарстан Республикасы икътисадын инновацион үстерүнең өстенлекле юнәлешләрен билгеләү;

- дәүләт ярдәме һәм инновация процессларын стимуллаштыру мәсьәләләрен җайга сала торган Татарстан Республикасының норматив хокукый базасын булдыру һәм камилләштерү;

- Татарстан Республикасында инновация инфраструктурасы белән идарә итү механизмнарын һәм ысулларын эшләү;

- Татарстан Республикасында гражданнар өчен билгеләнгән фәнни-тикшеренү һәм тәҗрибә-конструкторлык эшләре нәтиҗәләрен дәүләт исәбенә алу һәм саклау системасын эшләү һәм гамәлгә кертү;

- Татарстан Республикасы бюджеты акчалары исәбеннән республикада уздырыла торган гамәли тикшеренүләр һәм эшләнмәләр исемлеген булдыру;
- инновация юнәлешендәге иҗтимагый-агарту чараларын оештыру, әзерләү һәм уздыру;

- Татарстан Республикасының инновацион инфраструктура субъектлары эшчәнлегенә мониторинг һәм анализ, инновацион инфраструктура субъектлары реестрын алып бару;

- инновацион эшчәнлек мәсьәләләре буенча материаллар әзерләү:

      - Татарстан Республикасы Президентының Татарстан Республикасы Дәүләт Советына еллык Юлламаларына кертү өчен;
  - министрлык коллегияләрендә карау өчен;

      - Татарстан Республикасы Иминлек Советы, Татарстан Республикасы Министрлар Кабинеты, Татарстан Республикасы Министрлар Кабинеты утырышларында карау өчен;

      - федераль һәм республика дәүләт хакимияте органнарына җибәрү өчен;

      - министрлык тарафыннан бастырып чыгарыла торган басмаларга кертү өчен;
 - дәүләт хакимиятенең федераль һәм республика органнары, шулай ук җирле үзидарә органнары белән инновация эшчәнлеге өлкәсендә дәүләт сәясәтен үткәргәндә һәм гамәлгә ашырганда аларга тапшырылган дәүләт вәкаләтләре кысаларында үзара хезмәттәшлек итү.