Икътисад министрлыгы 2021 елның гыйнвар-июль айлары өчен «Татарстан Республикасы муниципаль берәмлекләрен социаль-икътисадый үстерү» бюллетенен чыгарды
Министрлыкның Социаль-икътисадый мониторинг департаменты тарафыннан 2021 елның гыйнвар-июль айлары өчен чираттагы «Татарстан Республикасы муниципаль берәмлекләрен социаль-икътисадый үстерү» бюллетене актуальләштерелде.
Материал республика хакимият органнарын һәм җирле үзидарә органнарын сәнәгый җитештерү, төзелеш, авыл хуҗалыгы, финанс хәле, халыкның тормыш дәрәҗәсе, халыкны эш белән тәэмин итү һәм демографик вәзгыять турында оператив мәгълүмат белән тәэмин итү максатларында формалаштырыла.
Бюллетень Татарстан Республикасы Электрон Хөкүмәтенең эчке контурындагы «Мәгълүмат статистикасы ресурсы»нда, «Территориаль үсеш һәм паспортлар» рубрикасында, «Татарстан Республикасы муниципаль берәмлегенең социаль-икътисадый үсеше» рубрика өлешендә урнаштырыла.
Кулланучыларга уңайлы булсын өчен, ай саен бюллетеньнәр 2018 елның октябреннән бирле саклана.