Уртача вакытка Россия икътисады үсешенең сценар шартлары

Россия Федерациясе Икътисадый үсеш министрлыгы агымдагы елның 18 апрелендә  Россия Федерациясе Хөкүмәте утырышында хупланган "2020 елга һәм 2021 һәм 2022 елларның план чорына Россия Федерациясе Социаль-икътисадый үсешен фаразлауның сценар шартлары, төп параметрлары һәм инфраструктура секторында эшчәнлекнең җайга салына торган төрләрен гамәлгә ашыручы хуҗалык итүче субъектларның тауарларына, хезмәт күрсәтүләренә бәяләрнең (тарифлар) фаразланган үзгәрешләрен" (http://economy.gov.ru/minec/about/structure/depmacro/2019042102) бастырды.

Фаразның база варианты нигезендә:                                        

- агымдагы елда Urals нефтенә уртача еллык бәя баррель өчен 63,4 доллар дәрәҗәсендә булыр дип фаразлана, 2020 елда баррель өчен - 59,7 доллар, 2022 елга баррель өчен 56,3 долларга кадәр кимер дип көтелә;

- шул ук вакытта доллар курсы үсеше фаразлана: 2020 елда 64,9 сумнан 2022 елда 66,2 сумга кадәр;

- 2019 ел нәтиҗәләре буенча инфляция 104,3% ка кадәр кимер дип көтелә. 2020 елда инфляция – 103,8%, 2020 һәм 2021 елларда 104,0% күләмендә фаразлана.

Россия Федерациясе Икътисадый үсеш министрлыгы бәяләвенчә, 2019 елда тулаем эчке продуктның 101,3% дәрәҗәсендә үсеше көтелә. Уртача вакытлы чорда Россия икътисады үсеше темпларының әкренләп 2020 елда 102,0% тан 2022 елга 103,2% ка кадәр артуы фаразлана.

Агымдагы елда төп капиталга инвестицияләр үсеше 103,1% дәрәҗәсендә бәяләнә. 2022 елда бу күрсәткеч, фаразлар нигезендә, 107,0% тәшкил итәчәк, 2021 елда – 106,3%, 2022 елда - 105,8%.

Реаль хезмәт хакы буенча быел тулаем Россия буенча - 101,1% ка, киләсе елда – 102,0% ка, 2021-2022 елларда 102,7% ка үсеш фаразлана.