Германиягә бизнес-миссия. Татарстанның кече һәм урта бизнесы үз продукциясен Европа базарына чыгарырга уйлый

13 июнь 2018 ел., чәршәмбе

Татарстан җитештерүчеләренең продукциясен Европа базарына чыгаруга ярдәм итү максатыннан июль ахырына Германия Федератив Республикасына бизнес-миссия планлаштырылган. Оештыручы – ТР эшкуарлыгына ярдәм фонды (Экспортка ярдәм үзәге).       Бизнес-миссия программасында немец эшкуарлык бергәлекләренең хезмәттәшлек итү белән потенциаль кызыксынган вәкилләре белән эшлекле очрашулар, Германия предприятиеләре белән танышу каралган.

              Бизнес-миссияне оештырганда Фонд үз өстенә түбәндәге чыгымнарны ала:

- бизнес-миссиядә катнашучы компанияләрнең теләгенә туры килә торган немец партнерларын сайлап алу;

- В2В-сөйләшүләр үткәрү өчен мәйданнар арендалау һәм бизәү, аны презентация җиһазлары белән тәэмин итү;

- Германия Федератив Республикасы предприятиеләренә барганда трансфер;

- бизнес-миссиядә катнашучы компанияләрнең эшчәнлеге кыскача тасвирланган аерым брошюралар чыгару, алар тарату материалы буларак файдаланылачак;

- профессионал тәрҗемәчеләр хезмәтләрен күрсәтү белән тәэмин итү.

Бизнес-миссиядә катнашуга гаризалар 2018 елның 19 июненә кадәр tatexport@yandex.ru электрон почтасына хат белән җибәрелергә яки  +79697780077 телефонына шалтыратып хәбәр ителергә тиеш.

 

 

ТР ИМ матбугат хезмәте

ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования